In ein kolkendj Don Bosco waerdje op ‘t Prinsebal aafgeloupe zaoterdig Pascal Rijckx oêtgerope es 46e Prins van de Gangmaekers. Hieël ‘t vastelaovendj vierendj volk van Hael waas in groeëte getale aanwezig en rejageerdje entoezjas wiej Pascal I oêt de koeëker sjpróng. De noewe Prins van de Gangmaekers is 39 jaor en is eine geboeëre en getoeëge Haelder. Prins Pascal I is same mèt Romy en trotse vader van twieë jungskes Sam en Daan. In ‘t dageliks laeve is Pascal verpleegkundige op de zeekewage. In ziêne vrieje tiêd is Pascal trainer vanne jeugd biej VV Hebes en fietsjtj en rentj dèr gaer. Daobiej zitj Pascal ònger angere biej de Zwarte Kreije.

Es adjedante koeës Pascal mèr leefst veer adjedante! De veer adjedante zeen Sjef Verberne, Ed Koster, Erwin Ramakers en Marcel Strik. Same mèt Pascal zeen ze lid van de voetbalclub VV Hebes en wanjele ze same dinsdig hieël gèt kilomaeters aaf.

Pascal I zal äöver ‘t Gangmaekersriek regere mèt ziene liefsjpreuk: 
“Geine tutaa, allein mer falderaa…..!”