Bóntje Aovendje en Middig 2012!




Op 7 jannewarie 2011 is de väörverkoup. De däöre van CC Don Bosco gaon óm 13.30 oer oeëpe väör lede van VV de Gangmaekers. Óm 14 oer zeen de neet lede aan de bäört. Nog gein lid, mer waal gaer väöraan in de riej sjtaon? Waer den noe lid en sjloêt op 7 jannewarie óm 13.30 oer aan in de riej!. Aanmeldje es lid van ós sjoeën vereiniging kan door ein meeltje te sjture nao prkemissie@gangmaekers.nl . Nao 7 jannewarie zeen de kaertjes allein nog mer te koup biej oze hoêswinkel, Drogisteriej Henckens, Dörpsjtraot 44 Hael. As der nog kaertjes zeen, hètj det.
 
Ouch dit jaor zeen d'r twieë Bóntje Aovendje (op 20 en 21 jannewarie) en eine Bóntje Middig (op 22 jannewarie). Wae verwachte dit jaor den ouch weer eine sjtormloup op de kaertjes. Nao waat ich höb mèt gekrege gaon al miense de aovendj van te väöre väör de däöre van CC Don Bosco ligke, volges eine woeërdveurder van de Bóntje Aovendj Kemissie. “Wae zeen alweer drök bezig óm d'r driej hieël sjoeën väörsjtèllinge van te make. Waem d'r allemaol geitj optraeje? Det moog ich natuurlik nog neet verklappe. Mer ich weit waal det wae mèt zien alle op reis gaon