Bram Suntjens 53ste Prins van VV de Gangmaekers

In bomvolle zaal van CC Don Bosco is op ’t prinsebal Bram Suntjens es 53ste prins van VV de Gangmaekers oetgerope. Hieël ’t vastelaovendj vierendj volk van Hael waas aanwezig en rejageerdje entoesjaz wie Bram I oêt de koeëker sjpróng.

Effe väörsjtèlle:

Wie hitse?  
Bram Suntjens

 

Wie jóngk bösse?  
35 jaor

 

Getrouwdj, verloofdj of verleefdj?  
Al 18 jaor verleefdj oppe mooder van mien kinjer.

 

Höbsse poete? 

Jao 2,  Bent van 8 en Fem van 5 jaor.

 

Waat duise väör de kost?

Ich wirk thoes oppe boerderie en bie de pliessie.

 

Waat höbsse väö hobbies?

Voetbal inne zaal, wirke oppe boerderie, get róndj krosse oppe traktor, boeve vange, bie hoesbiejoskoop Sniekers nao Max kieke. Ein pilske drinke en ein sjiek fiësje boewe oppe zjwarte kros. Lekker mèt mien gezin op vekansie gaon.

 

Waat is dien favoriete vastelaovesleedje? 

Neet oet lottum/ gekke minse, Lex Uiting/ nao ´t zuuje.

 

Waat is dien favoriete vastelaovespekske? 

Miene blauwe ueveral mèt boerekeel en roeaje zakdook.

 

Waem zeen dien adjedante?

Den zeen: Joep Meijs, Bas Sniekers, Dennis Junker en Sebas Curvers.

 

Vastelaovendj 2019 waerdj? 

Hoeapelik väör ederein eine vastelavendj óm noeats te vergaete!

 

Wat is diene sjpreuk?

”Gein boeve vange mer de Prins oethange”