Jeugdprins Bas I, same mèt Jeugdprinses Rafke en Jeugdadjedant Stef

Jeugdprins Bas I regeertj ein jaor langk ueëver alle Gangmaekerkes!

Bas I is nog ónger de panne biej ziên aojers op de Oeésterveldjsjtraot in ’t Hemelriêk. Bas zitj oppe de Sint Ursula sjoeël in Heytse. Bas sjpeeltj voetbal biej VV Hebes en is same met zien prinses en adjedant aktief biej Harmonie De Vriendenkrans en de kepel 3x niks. Es jeugdprinses koeës Jeugdprins Bas I Rafke Verkoulen, zien nichtske. Rafke zitj ouch op Ursula in Heytse. Rafke zitj naeve de harmonie en de kepel 3x niks ouch biej de Terwindjvaarders. Jeugdprins Bas I haet natuurlik ouch eine adjedant en det is Stef Metternich. Stef zitj op sjoeël in Häör en voetbaltj same mèt Bas biej VV Hebes. 

Bas I zal dit seizoen regere mèt ziene sjpreuk:

"Woeë doon wae ’t väör?, Dao doon wae ’t väör!"