Hoesvesting

Vastelaoves Vereniging de Gangmaekers maag zich gelökkig prieze mèt häör hoesvesting. Sowieso maag men neet klage waat betruftj de Haelder horeka die zich in “t Viefdje Sezoen” de groeëtste meujte doon om V.V. de Gangmaekers te óngersjteune in häör aktiviteite.

Gangmaekers Prinsepelies
Prinsepelies is Kefee "Oppe Linj". Hie verzameltj ’t Groeët Oettrèkkendj Gezèlsjap van Prins, Adjedante, Vorst, Raod van XI, Hofkepel en anger Gangmaekers bie evenemente. Me sjteitj hie altied klaor óm ’t Gezèlsjap van ein natje en ein drueëgske te väörzeen. Daobie vinje alle vergaderinge en ueëverlègkinge plaats in 't Prinsepelies.  

CC Don Bosco
De fónkelnoewe kultuurtempel Don Bosco is de plek woeë V.V. de Gangmaekers al häör Zittinge, Bals, Resepsies en Aovendje hèltj. Aan de voot van de ieëwe-aoje Sint Sjtefanus Kirk is dit zale-komplex gelaege. Ein luxe foyer, ein buhneoppervlak van tig veerkantjemaeter, en ein capaciteit van 325 zitplaatse make “Don Bosco” toet DE gesjikdje lokasie väör alle Gangmaekers-evenemente.