HAP

De Aod Prinse van de Gangmaekers höbbe zich verenigdj in de HAP, de Haelder Aod Prinse. Ein broesendje Aod Prinseklup die op häör meneer op 't Prinsebal, Prinsereceptie en häör eige HAP-nacht op de vriedig väör Vastelaovendj nog sjteeds ein groeëte biedrage levere aan de Gangmaekers en de Haelse Vastelaovendj. Daobie höbbe ze mèt Hugo en Gerard in 2005 ein onvergaetelikke indrök aan Limburg achtergelaote mèt häör leedje "de Fluitendje Hieëring" en de dao-op volgendje optraejes in de LVK finale (11e plaats) in Vènraoj, de Boetegewoëne Boetezitting in Venlo en de Ueëpening van de Vastelaovendj op de 11e van de 11e in Mesjtreech.
De HAP waerdje in 1984 offiesjeel ópgerichtj en is vanaaf daen tied neet mieër weg te dinke oêt de Haelse Vastelaovendj.
De Aod Prinse höbbe ouch ein eige klupleed. Klik hiej om det te beloestere.
Internet: www.haelderaodprinse.nl