Baer in Bróns

In naovolging van ’t Gangmaekersbeeldj in Bróns op dörpsplein “De Linj”, mócht de Jeugd van V.V. de Gangmaekers zich vanaaf 11-11-1995, in het kader van 2 x 11 jaor Jeugdvastelaovendj in 't bezit van ein heuse Baer in Bróns verheuge! ’t Symbool van de Haelse Jeugdvastelaovendj is in Hael dus vergöldj in Bróns.

De Baer is op ein ludieke meneer bekostigdj. In 1995 kós ederein mèt ein hert väör de Haelse Jeugdvastelaovendj ein aandeil koupe. Ein aandeil kosjdje destieds 11 gölje. Daomèt investeerdje se den in de toekomst van Hael en waas de Baer ouch ein bietje van dich es aandeilhaojer.

Zoeë is ’t de Sjtichting B.I.B.O.P (Baer In Bróns Oppe Put) destieds gelöktj óm de Jeugd van Hael ein simbool te sjinke, woeë me toet op de daag van vandaag nog grueëts op maag zeen!