AAP

De Aod Adjedante van de Gangmaekers höbbe zich verenigdj in de AAP, 't Aod Adjedante Pilleton.
Ouch de AAP is ein neet mieër weg te dinke vereniging binne de Haelse Vastelaovendj.
Zo organiseerdje ze in 't verleje 't nog altiêd geleefdje Klonetrèkke op Vastelaovesmaondig, en zeen ze aktief betrókke bie de organizasie van 't Appelesienesjmiete op daezellefdje maondig. Waat zeker neet onvermeldj maag blieve zeen de Vastelaovesleedjes die van "APE-henj" zeen gekomme. 't Optraeje bie L1 tv-programma 't Luiperke, en ein halve finale plek bie 't LVK höbbe ze al weite te haole. Noe nog de groeëte LVK-finale...!  En nog doon ze döks mèt in de sjtried om 't winnendje Vastelaovesleedje van Hael.
En of det nog neet genógt is organizere ze jaorliks al vanaaf 1996 't roemruchte Jan Klaasse Buffèt. Det is ein toneelväörsjtèlling, sjpesjaal georganiseerdj väör kinjer tösse de 4 en 10 jaor, al den neet vergezèldj van häör aojers.
Zo zeetj ge det ouch de AAP ein van de peilers is woeë wae es Gangmaekers op moge sjteune!
De Aod Adjedante höbbe net wie de Aod Prinse ein eige klupleed.
Klik hiej om det te beloestere.